Hipnose Artikels

Hipnose in Verandering  

Hipnose bied 'n wyse om die mens se verstandelike vermoëns meer effektief aan te wend. Die resultate van hipnose het dit binne en buite die sfeer van formele navorsing as effektief bewys vir die bereiking van verskye en uiteenlopende doelwitte.

Omdat hipnose die verstand help fokus op die bereiking van spesifieke doelwitte, strek die toepassing daarvan so wyd as dit waarvoor die verstand daagliks deur mense aangewend word.

Hipnose bied nie die bo-verstandelike nie, juis omdat dit op die persoon se verstand staat maak om die gestelde doelwitte te bereik.

Van die belangrikste redes waarom hipnose so goed en so vinnig kan werk sluit in:
    1. Die omseiling van beperkende gelowe (limiting beliefs)
    2. Die inspanning van onderbewustelike vermoëns
         (unconscious resources)
    3. Die BEWUSTELIKE stel van duidelike doelwitte (Clear goals)

1. Beperkende gelowe (limiting beliefs) weerhou die mens van bepaalde optredes, denke, en uitdaginge. Sielkunde bied 'n massa navorsing om die effek van dit wat mense oor hulle eie vermoëns glo te staaf. Iets so eenvoudig soos “Ek is skaam”, of “Ek kan nie wiskunde verstaan nie”, of  “mens kan nie pyn afskakel nie” veroorsaak dat so 'n persoon se onderbewuste die geloof as direksie, opdrag, of reël  beskou en uitvoer of navolg. 

Hipnose poog nie as doelwit om nuwe gelowe te installeer nie, maar effektiewe doelbereiking het gewoonlik die gevolg dat so 'n mens well hulle siening verander. Die nuwe direksie laat die onderbewuste dan toe om die gestelde doelwitte te realiseer.

Die vraag is nie wat mens dink mens glo nie, maar wat die onderbewuste as heersende direksie beskou. Die heersende direksies het gewoonlik 'n lang geskiedenis wat hulle stewig vestig. Dit is een van die onderbewuste se vermoëns om heersende gelowe eensklaps te verander...

2. Onderbewustelike vermoëns is eintelik 'n kunsmatige term vir dit wat die verstand kan doen en die mens nog nie goed, of hoegenaamd verstaan nie. Hoe die mens leer praat, dink, onthou, of pyn afskakel, droom, of idees kry het tans nie wetenskaplike verklaring nie. Tog het die mens 'n legio verstandelikke vermoëns wat as vanselfsprekend aanvaar word -die meeste waarvan -streng gesproke, 'onderbewustelik' is.
    Voorbeeld: Die persoon hoef nie bewustelik te dink aan hoe om te praat nie, omdat die onderbwuste spraak (en taal) bemeester het. Om 'n arm op te lig om die deur oop te maak verg nie bewustelike denke vir die manipulasie van spiere nie, die onderbewuste wil net weet wat om te doen, (maak die deur oop) en doen die res (manipuleer al die spiere om die direksie uit te voer).  Hipnose 'gee rigting' en laat die verstand die res doen...
 
3. Die stel van doelwitte is 'n belangrike aspek, binne en buite die veld van hipnose. Soos genoem wil die onderbewuste weet wat om te doen, wat om te bereik of tot stand te bring. Indien 'n duidelike doelwit bestaan, weet die onderbewuste wat om te doen.
Waar bewustelik gestelde doelwitte nie bestaan nie, moet die onderbewuste wat ookal beskikbaar is aangaande die situasie gebruik as riglyn vir optrede. Die meeste mense stel nie gereeld, of genoeg duidelike doelwitte nie, of laat ander toe om dit vir hulle te stel (bewustelik of onbewustelik).

    Voorbeeld: self-vertroue: Iemand moet 'n toespraak lewer. Daar is geen doelwit aangaande hoe die persoon moet voel vir die onderbewuste nie. Daaroem gebruik die onderbewuste 'wat dit reeds weet' (Gelowe/direksies) om die situasie te benader: “Jy is 'n skaam kind” -dankie jufvrou Du Toit; “om voor mense te paat is verskriklik” -dankie oom Tiens; ens. Die voorbeeld is baie eenvoudig, maar redes soos genoem was al werklik die oorsaak van angs vir toesprake lewer.

“Jy is te skaam my kind”, of “Algebra is moeilik”. Die onskuldige sinne kan geen, of ernstige gevolge hê, en verskillende mense reageer anders daarop. Een mens sal die sinne as gelowe/direksies vir die lewe aanvaar (bewustelik of onbewustelik), terwyl 'n ander hulle min of gladnie daaraan steur nie. Die blote feit dat 'n persoon nie bewus is van die heersende direksie nie, maak dit soms moeilik om te verstaan waaruit hulle optrede voortspring. 

Met hipnose kan 'n persoon bewustelik 'n (nuwe) direksie kies, wat die onderbewuste voortaan sal navolg...

Is dit werklik so eenvoudig soos dit? Dikwels, maar nie altyd nie. Daarom word hipnose, veral in probleem gevalle, gebruik in samewerking met analiese#, of 'n agtergrond studie, en 'n ekologiese impakstudie##

# Analiese verseker dat mens eerstens duidelikheid oor dit wat is, en verander wil word bekom. Die stap is net so belangrik soos duidelike doelwitstelling. Soms is dit eenvoudig, soms nie, en neem daarom tyd.

## 'n Ekologiese impakstudie, soos die naam aandui, dien om die beoogde verandering te evalueer binne die groter knoteks van die persoon se lewe. Dit maak deel uit van die doelwitstelling, om te verseker dat die nuwe optredes nie ongewensde effekte in ander areas het nie.

    Voorbeeld: Iemand will 3 uur per dag aan studies spandeer. Die persoon het dalk familie wat daaronder sal ly (familietyd). Die persoon wil ophou rook, maar dit blyk die enigste tyd waneer sy met haar man 'kwaliteit tyd' spandeer is op die stoep oor 'n sigaret; of rook is bloot simpotomaties van 'n ander behoefte, wat beteken ophou rook word byvoorbeeld vervang deur peusel en gewig optel. In die genoemde gevalle bied die gestelde doelwit een oplossing, maar veroorsaak ander probleme -en kan daarom NIE as ekologiese oplossing beskou word nie.

Ten slotte:
Hipnose bied 'n metode wat effektiewe verandering vinning en maklik maak. Die aanwending daarvan verg egter dat ander faktore in ag geneem word om te verseker dat die verandering (doelwitte) verstaan word in terme van die impak wat dit kan hê. Sodoende kan 'n ekologiese oplossing tot stand gebring word. Dit behoord immers van self-sprekend te wees...

 

Hipnose Artikels

>Hipnose in Verandering

>Have you been hypnotised? - How to undo Hypnosis

Trans Artikels

>A Trance Primer

>How to Trance